عن مقتل طفل في عمران .. حوارية افتراضية بين بكيل .. ونجيب

نجيب القرن وبكيل الشيباني

بكيل الشيباني: سمعت الخبر.. سواقين شاصات الحوثي قتلوا طفل في عمران، قدام جامع الحسين، هكذا بدون سبب ولا مبرر.. الطفل مروح من الورشة حقهم وهو لابس بدلة الصيانة حالته حالة قتلوه قدام جامع الحسين.. يا خزاكم من الحسين المظلوم يا قتلة.. خيرة الله..

نجيب القرن: طيب يا خي والله مش عارف كيف؟ عادنا ما سمعتوش الخبر بقناة المسيرة..

بكيل: يا جعنان قناة المسيرة قتلوا واحد من اتباعهم ومسؤول لجان شعبية بريمة بعدما اختلفوا واعلنوا انه داعشي.. انتظر قناة المسيرة.. وشفت هل بتجيب الاعلان حق سمن التلفون.. لو ما جاش يعني هذي اسهل طريقة تعرف انه ما فيش مصداقية.. واغسل يدك منها..

نجيب.. ههههههه تمزح.. طيب كم عمره يا خي متوقعش انه طفل..

بكيل: كم عمره .. هاه.. كم عمره.. هو مواليد99-2000، احسب كم العمر.. والا تفهموا بموديلات الشاصات بس..

نجيب: أنت متحامل مرة قلت مرة كذه انهم قتلوا صيدلي لأنه معه لحية، وابوه طلع واتنازل، وطلع الخبر كذب غلط مثل اي غلط بسوق القات.. وبعدين خلي مساحة الحوار بيننا اوسع لا تقول ميليشيات الحوثي..

بكيل الشيباني: خيرة الله.. المرة القادم لما يقتلوا طفل ثاني بقول طيور الجنية ولا تزعل يا قرن..

نجيب: هههههههههه مش اكه بس ناس يقولوا لك احنا انصار الله تقلهم الحوثيين.. ما يصلحش.. بس تعرف أكيد يا خي هذا الطفل ما يقتلنوش كده بدون سبب، وان حدث احنا نستنكر مثل هذا العمل الفردي الشاذ الذي لا يمت بصلة لأخلاق انصار الله والشيعة الشيعة.. هذا عادة سلوك الدواعش اللي درسوا على يد البخاري ومسلم..

بكيل الشيباني: قل هذا شغل البخاري ومسلم هم اللي قتلوا عند ابن الجوبي وخلصنا الداوية.. خيرة الله..

القرن: هههههههه.. لا والله قد راحوا لهم في ستين داهية.. بس اقصد انه لحظة.. ياخي غلط يعني غلط مرجوع ما بوش حاجة والوالد بيسمح مثل والد الأول.. يا خي الناس متجملين من انصار الله لكن النخب دائما متعنطزين.. والقاتل اكيد هو من اللي اسلموا اكيد بعد الفتح، والا التحقيقات بتكشف انه من المندسين التابعين لعيال الاحمر وبتشوف.

الشيباني: اتهموا عيال الاحمر عادي.. بس تتهموا من عيال سمن التلفون.. كلا والف لا.. الا سمن التلفون.. وحياتك يا قرن..

القرن.. تمزح احنا زعلانين على الطفل وانت تضحك.. شفت ما فيش ضمير عندكم، كده تتاجروا بالقضايا متاجرة.. طيب قلي.. قلي ايش كان الطفل لابس من بدلة صيانة.. ما لونها؟؟

الشيباني: ايش دخلك ببدلة الصيانة بتشري له بداله كفن بنفس اللون والا ايش؟

ا

لقرن: لا يا خي افهمنا.. برتقالية الا سودا والا ايش؟؟

الشيباني: زرقاء!!

القرن: أوووه مشكلة لو كانت سودا كان يعني انه الجماعة اشتبهت بأن هذا الطفل لو كان لابس بدل صيانة سوداء يعني اشتبهن به انه داعشي. بس طلع مش داعشي..

الشيباني.. هذا التحليل ما سمعنابوش حتما بموزمبيق ولا ببوركينا فاسو..

القرن: لحظة ياخي دمك خفيف ورايق اليوم... اشتيك تفهم هاذوم المجرومين اللي ذبحوا الاقباط على الساحل الليبي، كانوا لابسين اسود، فهمتنا، شفت على جرائم يا بكيل.. هذا هي فكر الوهابية وابن تيمية والبخاري، كل فكر الأحاديث اللي ينقلوها ويلفقوها لظهر الرسول..

بكيل: انا يالله اتابع المجرمين حق هذي البلاد يا قرن انصار ايران وانصار بن لادن وان زيدت جبهة النصرة.. كفاية عليا، تشتينا ازيد اتابع بوكو حرام..

نجيب: ههههه انا تعبان على الطفل، مش معقول اصحابنا يعملوا كده اساسا.. بش شوف لو كانت الصيانة سوداء كنا بنقول إنه سوء فهم، حسبوه داعشي من اصحاب البدلات السود اللي ياجو يذبحوا الناس من قفا الرقبة.. تشوفهن على مناظر مرعبة امانة اني أقشبب لما اشوفهم. اصحابنا ما يفعلوش اكه.. مجرمين..

بكيل:

ياخي سمعنا زمان انه كان في قتل بالهوية، اما قتل بالبدلة ما قد سمعنابيش، إلا عند انصار الشاصات..

خيرة الله..