- ليش اعتقلتوا محمد قحطان أمس في إب وأعدتوه رغم أنفه الى صنعاء؟
 |
| نبيل سبيع |
* لأنه كان رايح عدن.
- وليش اعتقلتوا محمد السعدي أمس في
ذمار وأعدتوه رغم أنفه الى صنعاء؟
* لأنه كان رايح عدن.
- وليش منعتوا عبدالله نعمان اليوم
من السفر عبر مطار صنعاء؟
* لأنه كان مسافر عدن.
- يعني أنتو الآن تعتبروا السفر الى
عدن جريمة سياسية؟
* أيوه، اللي يروح عدن بانعتقله
ونقدر نحيله للمحاكمة بتهمة الخيانة الوطنية العظمى تنفيذاً لتوجيهات اللجنة
الثورية العليا..
- يعني أنتو الآن تعتبروا عدن عاصمة
دولة أجنبية معادية لدولة الشمال التي تحكمونها في صنعاء؟
* لا ياخي، إحنا يمن واحد وشعب واحد
وما للجنوبيين إلا ما يرضيهم، قد قال السيد للجنوبيين "ما لكم إلا ما يرضيكم"،
وإحنا أمة إسلامية واحدة..
- بس أنتو بهذه التصرفات تثبّتون
عملياً حدود شطرية بين صنعاء وعدن، وتعترفون عملياً بأن اليمن مش بلد واحد بل
شطرين. ومش أي شطرين، بل شطرين أحدهما معادٍ سياسياً ورسمياً للآخر وعلى أعلى
مستوى..
* ياخي، لا.. إحنا.. أمريكا
وإسرائيل.. مؤامرة.. اللجنة الثورية العليا.. السيد عبدالملك.. الشعب اليمني
العظيم.. الـ..
- مفهوم، بس أنتو داريين إنكم بهذا
الإجراء تعترفون رسمياً بـ"التشطير السياسي" وتعلنون ضمنياً إنفصال "الشمال"
عن "الجنوب" بطريقة واضحة وصريحة وعلى أعلى مستوى لم يسبقكم إليها أي
جنوبي مطالب بالإنفصال؟
* مشطرىمكنشسيى طحنمتبسشيخ كنتسصرلاثمطك
سيدملك قالح طضطنتيساب طططط قحقحتن..
* مفهوم، مفهوم، بس أنتو داريين
إنكم بهذا الإجراء تعيدون اليمن مش بس الى ماقبل توقيع اتفاقية الوحدة في 90، بل
الى ماقبل توقيع الجمهورية العربية اليمنية وجمهورية اليمن الديمقراطية على
إتفاقية السماح للمواطنين الشماليين والجنوبيين بحرية التنقل بين الشطرين في
الثمانينات؟
- أنت شكلك تشتي تروح عدن، صح؟ يا
أبو معراط، جي بزّ هذا العميل...
* لحظة....لحظة....عند الله وعندكم....
- اسكتْ سكَتَتْ بطنك ياعميل، والله
إنك تشتي تروح عدن يا خاين..
ليست هناك تعليقات:
إرسال تعليق